三 貓當中，論人氣度，黑咪一向偏低。唔好講其他人呀，屋企人個個都鍚哂阿豹，讚佢夠乖夠純。嗲精比比一味靠嗲都搶到唔少分，唯獨黑咪性格孤僻一直都得唔到人 歡心。其實如果講乖，黑咪都唔輸蝕，成日自己柄埋一二邊瞓覺，唔嘈唔煩唔扭計，可惜成身黑掘掘個個都嫌佢邪釘唔like佢，作為貓奴嘅我一直都唔係咁開 心。
點 知原來香港都有人鍾意養黑咪個噃，雖然會員得幾個，但係貴精不貴多，梗要支持下㗎啦，等我拉埋Ellen一齊入會先，蝦，唔知唔係成身黑可唔可以入會嘅 呢？搵咗好多張証件相，都搵唔到張啱心水，事關一向好難同黑咪影相，佢個身太黑啲豆呢相機sense唔到佢，以為係黑色一撻，懶醒咁自動補光，成日都影到 邪花咁，呢幾張係罕有嘅靚囡相。唔得，要買番部似樣嘅相機幫佢哋影下沙龍先 ~ !黑貓振興會blog : http://hk.myblog.yahoo.com/blackcatclub-org
