會 考放榜，對於成近卅歲嘅我嚟講，應該冇咩"啦lung"。但撞啱外甥今年放榜得13分，打緊風都仲響學校門口排隊諗住搏下，至發覺，其實我都算係幾好彩嘅 人。當年第一年會考得嗰11分，以為掛住華仁仔排頭實有人收，典知 ~ 身邊個個都升到中六，得我一個要repeat，難受梗有嘅，出開嚟都唔知佢哋講緊乜。

可幸嘅係，當年屋企都仲未家道中落，尚算小康，夠錢同埋肯dumb三千幾蚊出嚟俾我去新法repeat。畢竟都係一段令人牙癢癢嘅回憶，冇佢我識唔到阿嫂阿頂佢哋，識唔到阿嫂就識唔到小飛碟同雪芳，更加識唔到姐姐。

人生就真係咁奇妙，如果當日夾硬升咗上去，我嘅人生，可能又未必會係咁走。去唔到莊記，識唔到cherry佢哋，去唔到浸會，就跟唔到Professor Lai同周兆祥，就唔會有今日嘅我。一層一層咁砌上去，少咗其中一忽，就唔係依家嘅我。

突然間好似好有感觸𠻹，外面風大兩大，希望外甥咁用心嘅等待唔會係白費啦。

喜歡喜歡你 by 何韻詩

喜歡你，純屬想喜歡你

我不祈求，完全的得到你

得到你，還是得不到你

我都珍惜獨享這齣戲

有個角色我做，盡量入戲 

http://www.youmaker.com/

咪話我迷信，咁多星座當中最怕遇到巨蟹座，次次都有死冇生，就算唔死都重傷，無一次可以倖免。呢刻真係冇咩可以做到，只求快快咁過咗呢個愁人節。好彩撞啱 Nowel 辭職，要跟多個埠，實忙。有時醉心工作，仲好 ~ 

上星期平哥專程嚟 ATL 教我哋入 Auto-rate，OK，又一九唔搭八之作，煮到嚟咪食囉。當然是夜最精采嘅，就攞住平哥支火炬嚟影相啦，真嘢嚟個喎，絕非彷製品。成個 Schenker 得三個人有幸欽點傳聖火，平哥係其中一個。就算我𡜐唔鍾意呢間公司都好，我都覺得真係幾威。

咁大碌，仲以為會好重，揸上手至發覺原來都幾輕。睇得出落過心機去整，一世人可能得今次響中國攪奧運，下次都唔知會幾幾時。最唔抵得點解有同事可以去馬場幫手攪奧運，大家都住沙田姐，點解唔揀我？桂姐，你偏心 ~ 

先旨聲明，絕對無意唱衰任何人，但真係好激氣。一心諗住趁紅館大修之前睇番場concert，典知 ~ cancel 咗又唔出 announcement，等人去到至知。搭火車嗰陣已經問典解咁少人嘅，去到仲驚，燈都冇開，原來 ~ 為咗賑災想 fans 捐多啲錢，所以取消兩場演唱會。嘩，咁都得？唔賣得咪唔賣得囉，捐兩場歌酬出嚟咪仲化算 ~ 九唔搭八，嘥我車錢 ~ !

從頭到尾聽罷一次 Goomusic，彷彿聽罷了自己的故事，然後，我想起了你。這些年來，都刻意的不去想你。因為，我怕。當然，你我都清楚我在怕甚麼。

唔見咗好耐嘅燈鳥，邊個知 bang 樹有得賣唔該單聲 ~

呢個仲弊，話說大大粒屎忽痕又話 6 月可以開始試行長長短，講咗成年，一係唔行，一行就即刻行？撞啱我同女王互 back，冇佢就唔可以冇我，Eva 一句唔得就唔放人。就即係點呀？唔係成日叫我如果壓力大就放下假嘅咩？我宜家壓力好大呀就嚟爆煲喇，咁你放唔放呀？嬲到呀，假民主，正葉劉。 

Life is like a carasol, it turns and turns and turns ... 

有時我會問自己，我係咪真係太過 cynical 呢？所以俾人一種生人勿近嘅感覺呢？早兩日 Arlee 至話入口部嗰人唔敢同我講嘢，話我太口沒摭欄，驚咗我。我有賽後檢討㗎，諗咗一日，我係咪真係咁乞人憎呢？但諗諗下，又唔係呀，我同嗰班嘢根本唔熟，係間唔中嗲兩句，佢據咩咁講？

我直腸直肚，我認，但我係咪刻意去傷害人呢？我唔係囉。啱嗲咪嗲多兩句，唔啱嗲咪嗲少句囉。但係我真係好唔忿氣，究竟邊個會會咁樣諗我呢？撫心自問人緣 OK 啦，中規中距，唔太好但應該唔算差啦，好嬲呀 ~

我後生嗰個年代，有 Amoeba，有哥哥，有陳慧，有占米角。花樣年華。 

杜鷳花開，又夏天喇。總之我就日出日落，快快樂樂。唉，人哋嘅嘢，話之你。