好耐之前，當 ICQ 仲當道、仲未有 blog 嘅年頭，好興自己自作業整網頁。嗰陣時邊有宜家咁方便，㩒幾個掣就寫好一篇日記，嗰陣複雜好多，由 index 到 content 到 link up 都要自己一手一腳整。寫篇日記加幾張相閒閒哋都成半個鐘，嘥時間，但滿足感大好多。

而我個自作業，就由 99 年開始，寫到 04 年頭。隨住 uhome 關門大吉，我人生最曼妙嘅年華，就咁樣劃上一個分號。雖然幾呢年一直都想搵番個 hosting 擺番個網上去，但 dum 下 dum 下，又幾年喇。後生最得意最瘋狂最 cult 最 funky 之作，都響哂呢個網。所以我決定，要將成個網擺哂上 Yahoo! Blog 度，工程非常嚴峻，需要一段非常長時間至可以完成，俾啲時間我，慢慢嚟。

睇番 record，歴時 5 年嘅網頁足足改版咗 12 次 ( 未連唔小心 delete 咗個兩個 version )，嘩，睇番都流哂馬尿。好趁青春留倩影。好彩我有留到姐 ~

不過講明先，內容非常大膽赤裸，先旨聲明，無誠勿試。