嚟咗Schenker之後，一直都好少花心機去decorate我張枱，事關實在太細喇，根本冇吉位可以擺古怪嘢，冇咗塊partition就已經差好遠 啦。早兩日試新機嗰陣多手影咗幾張相，睇番至發覺，我張枱越嚟越似以前咁，成枱都係無謂嘢。知我性格嘅人都知，我一向都好neat & tidy，我字典上冇亂呢個字。你哋睇下我張枱幾stylish，so me ~

以前響U仔張枱係大楷L字，後面仲有個櫃擺零食 ~

最愛Frog style同橙鳥，Unazukin失寵咗好多年 ~

花咗一日將iMac裡面所有file都過哂去新嘅hard disk度，早知唔慳嗰百幾蚊買個fire wire啦，應該速度會快好多。Anyway，唔買都買咗咯，都OK嘅，係過嘢嗰陣要等一陣咁囉。

過 哂所有嘢之後，個Safari依舊慢，頂唔順，卒之忍唔住要過檔Firefox。初初買Mac嗰陣都有用過一陣Firefox，但用用下又覺得 Safari個界面好似型啲，半途出家。可惜，捱唔過年，好多add on都support唔到。最煩係次次上親PPS都要reload幾次至出到字，都係Firefox多嘢玩啲，可惜用家大多數都係non-Windows user，好嘢少人用，冇陰公 ~

一直以嚟都好想買本Moleskine嚟玩，但奈何百九幾蚊一本平平無奇嘅書仔實在唔化算。我知佢binding好硬淨，但又唔係用嚟防狼，咁硬做乜？加上個價企得仲硬淨，所以一直都想屈人買。人我就未屈到，但又俾我發現iPhone都有Moleskine，呵呵，買唔到本真身，電子版都頂住先。蝦，抵死得佢呀，仲可以換theme，free lunch，仲想點？ 

 短短一百二十分鐘，我睇到一個關於愛同勇氣嘅故事。So inspiring，催淚精選。

雖然明知遲早都會出 upgrade 版，但唔好咁快呀嘛。買嘢最揼春嘅就係買咗冇耐出新版，大拿拿成皮嘢喎，夠我去轉杜拜喇。不過橫睇掂睇，都係好靚仔 ~ 愛爆你 ~ 

童軍中心個殼都呃到下人，但啲課室就⋯真係不敢恭維⋯

早知唔好貪呢啲小便宜啦 ~